Tirana do të zbresë ditën e sotme në fushë për të luajtur ndeshjen e turit të dytë të Kupës ndaj Korabit në “Skënder Halili”.
Për këtë ndeshje, trajneri Egbo do të ketë sërish mungesa për shkak dëmtimesh, por edhe për grumbullimet me Kombëtaren. Cale, Çelhaka vijojnë ende të jenë të dëmtuar, ndërsa Ismailgeci dhe Hoxhallari janë bashkuar me Kombëtaren e madhe.
Por sikur të mos mjaftojnë vetëm këto mungesa, Tirana ka humbur edhe një tjetër lojtar. Bëhet fjalë për mbrojtësin Filip Najdovskin që ka pësuar një dëmtim në kavilje e për këtë arsye është larguar drejt Maqedonisë për t’u rikuperuar.
Maqedonasi nuk do të jetë gati për ndeshjen e sotme e me shumë mundësi as ndaj Vllaznisë që do të luhet pas 10 ditësh.
