Situatë e rënduar në Spitalin Rajonal të Shkodrës si pasojë e mungesës së pajisjeve të nevojshme mjekësore për trajtimin e të sëmurëve me Covid. Mësohet se aktualisht në këtë spital janë duke marrë trajtim 5 pacientë me covid-19. Ata janë në pritje të dërgimit në Tiranë, por bëhet e ditur se gjendja e tyre shëndetësore nuk e përballon udhëtimin.
Një tjetër problem mbetet edhe vonesa në kthimin e përgjigjes së tamponit që arrin pas tetë ditësh.
Ndërkohë mësohet se është mbyllur shkolla e mesme ne Gruemirë të Malësisë së madhe , pasi 2 mësues kanë rezultuar me koronavirus dhe gjashtë tampon të tjerë u janë marrë personelit të kësaj shkolle.
