Ish-ministri i Jashtëm dhe i Bujqësisë Edmond Panariti ka marrë postin e Drejtorit të Kabinetit të President Ilir Meta.
Më herët gjatë ditës, Panarit, ka njoftuar tërheqjen nga angazhimi në radhët e Lëvizjes Socialiste për Integrim.
Në një postim në rrjetet sociale, Panariti bën me dije se nga dita e sotme ka vendosur të ndërpres angazhimin si pjesë e strukturave të Lëvizjes Socialiste për Integrim, “për shkak të një ftese për tu angazhuar në një detyrë të rëndësishme”.
“Me këtë rast më lejoni t’ju falenderoj përzemërsisht për këtë rrugëtim 16-vjeçar të përbashkët, plot sfida, sakrifica dhe arritje. Duke ju shprehur mirënjohje dhe falenderim për miqësinë vlerësimin dhe mbështetjen, ju siguroj që do të mbetem miku juaj përherë”, shton ai.
Ndërkohë, në një njoftim nga Presidenca, bëhet me dije se “kreu i Shtetit, ka emëruar sot në detyrën tepër të rëndësishme të Drejtorit të Kabinetit, Prof.Dr. Edmond Panariti”.
