“Ndodh kudo në botë!” Kjo ishte deklarata e kryeministrit Edi Rama për tregun e zi të barnave, me të cilën po hasen jo pak qytetarë që po luftojnë me Covid-19.
Monopolizimi i tregut të barnave nga disa kompani farmaceutike, dëmtimi i konkurrencës së ndershme dhe cilësisë së shërbimit, duket se nuk e shqetësojnë kryeministrin Rama, përderisa vijon krahasimet e shumë përmendura me vendet europiane.
E megjithatë, ai nuk ngurroi t’i bëjë thirrje qytetarëve, që të mos orientohen prej fjalëve të miqve, apo të afërmve, kur bëhet fjalë për ilaçet.
