Diego Armando Maradona ka lënë spitalin pas operacionit në kokë dhe tani ndodhet në shtëpinë e tij, ku do të vijojë fazën e rehabilitimit.
Ai u shtrua me urgjencë në spital më 3 nëntor dhe pas 24 orësh kreu një ndërhyrje kirurgjikale.
Matias Morla, mik dhe përfaqësuesi ligjor i Maradona, tha: “Operacioni që kreu nuk ishte i lehtë. Për mua është një mrekulli që është gjallë. Mendoj se Diego ka kaluar momentin më të vështirë të jetës së tij”.
Mjeku personal, Leopoldo Luque, tha: “Diego është autorizuar nga mjekët që të shkojë në shtëpi”. Luque ka publikuar edhe foton e parë të Maradona pas operacionit, ku duket i fashuar në kokë, ku dhe kreu ndërhyrjen kirurgjikale.
