Ditën e djeshme, Maqedonia e Veriut u zgjua nga lëkundje të forta tërmeti që u ndjenë edhe në Shqipëri. Mirëpo këto lëkundje kanë kthyer sërish panikun tek shqiptarët se mos përsëritet nëntori i vitit të kaluar.
Për të qetësuar qytetarët shqiptarë në lidhje me këto hamendësime, sizmologu Rexhep Koçi shpjegoi në emisionin ‘ABC e Mëngjesit’ sesa të rrezikuar jemi nga tërmeti dhe pas lëkundjet që tronditën vendin fqinj.
“Nuk konstatohet që një ngjarje e regjistruar në territorin shqiptar vitin e kaluar të jetë e lidhur me ngjarje të tjera që kanë pasuar pothuajse të gjithë gadishullin e Ballkanit duke patur parasysh dhe ngjarjet në Turqi në Greqi dhe Kroaci.
Kjo tregon edhe njëherë që territori i Ballkanit është sizmik dhe vatrat e aktivizuara herë pas here e dëshmojnë më së miri këtë. Nuk është e thënë që një tërmet të shkaktojnë një seri tërmetesh në një territor tjetër, por sforcimet që çlirohen në një territor të caktuar nuk emetohen në mënyrë direkte në vende të tjera“, tha Koçi.
