Në 24 orët e fundit, policia ka gjobitur 725 qytetarë të cilët janë konstatuar pa maska në rrugë.
Ata janë gjobitur në masën 3000 lekë, një shifër e cila do tu shtohet në faturën e energjisë elektrike.
Gjatë këtyre kontrolleve janë shoqëruar në ambientet e Policisë në të gjithë vendin, 8 persona që nuk kanë pranuar t’i tregojnë punonjësve të policisë dokumentin e identifikimit apo nuk e kanë pasur atë me vete.
Pasi kanë paraqitur dokumentin e identifikimit në komisariat, janë ndëshkuar me masën administrative 3.000 lekë dhe më pas janë lënë të lirë, njoftoi policia.
