Kompania e marketingut Deraweb ka kryer një pyetësor mbi kriteret e përzgjedhjes së punonjësve për pozicionet vakante. Pothuajse të gjithë të intervistuarit janë shprehur se thelbësore për përzgjedhjen e një profesionsti është edukata dhe mirësia. Sipas tyre ndër kriteret më të rëndësishme që vlerësohen te një individ është besueshmëria dhe aftësia e tij për t’i shërbyer vendit duke qenë i shkathët në zgjidhjen e problemeve të ndryshme (38%). Megjithatë 46% prej tyre vendosën në vend të parë dashamirësinë dhe xhentilesën.
Sot, në një shoqëri jashtëzakonisht individualiste, egoiste dhe jo shumë të mësuar me bashkëjetesë, individët autentikë, të edukuar dhe pozitivë mund të bëhen aleatë shumë të dobishëm në botën e biznesit. Asnjëherë nuk duhet të harrojmë se përpara se të jemi profesionistë, jemi njerëz, e për më tepër qenie të prekshme nga empatia dhe emocionet. Për më tepër, edukimi për të dëgjuar klientin është një formë e respektit, vëmendjes dhe konsideratës. Këto elemente psikologjikë e bëjnë klientin të krijojë perceptimin mbi besueshmërinë.
Në rastin e komunikimit digjital, profesionistët dhe klientët shkëmbejnë mesazhe dhe varet nga edukata e tyre nëse vendosin të përcjellin mesazhe me nota pozitive apo jo shumë të qarta.
Shumë shpesh më ndodh të lexoj mesazhe si ‘’mirëmëngjes, mirëmbrëma, faleminderit, përshëndetje të përzemërta’’, ashtu si dhe më ndodh të mos marr asnjë përgjigje nga ana tjetër. Për të mos folur për rëndësinë e përgjigjeve në rrjetet sociale, ku shpesh herë vihet re një arrogancë apo agresivitet. Sjellje totalisht të pajusitifkueshme,’’ thotë de Luca, drejtor i marketingut dhe Co-founder i Deraweb.
Për këtë arsye është thelbësore që çdo kompani, mikro apo makro, si dhe profesionistët e pavarur, të krijojnë një staf ë civilizuar që të përçojë një përvojë pozitive dhe qetësuese te klientët.
Profesionistët dhe sipërmarrësit duhet të kuptojnë rëndësinë e komunikimit vicioz të botës reale dhe asaj digjitale. Sistemet strategjike digjitale kanë për detyrë të tërheqin fillimisht klientin e më pas klienti do tërhiqet vetë.
Marrëdhënia fizike është thelbësore në takime apo negociata të drejtpërdrejta, po aq sa në telefonata apo plaftomra online si Zoom. Mund të kemi gjithë njohuritë profesionale, por nëse nuk dimë si të trajtojmë individët, nëse nuk jemi në gjendje të mbledhim kërkesat e tyre më vëmendjen e duhur, xhentilesë dhe prezencë, do të kemi gjithmonë e më pak shanse në biznes. /TPI.IT
