Hungaria nuk do të lejojë birësimin e fëmijëve nga çiftet e të njëjtit seks. Ndryshimet legjislative u paraqitën ditën e mërkurë në parlament nga ministri i Drejtësisë, Judit Varga.
Projektligji lë të nënkuptojë dhe se birësimi do të lejohet vetëm nga çiftet e martuara dhe se beqarët do të duhet të marrin një leje të veçantë.
Grupet e të drejtave të njeriut e kanë përshkruar këtë projektligj si sulm dhe fushatë kundër komunitetit LGBT.
Birësimi aktualisht në Hungari është i mundur vetëm për çiftet e të njëjtit seks nëse një partner aplikon si person i vetëm. Sipas dispozitave të reja, Hungaria do të njohë familjet e bazuara në martesë, ku “nëna është femër, babai është mashkull”.
Grupet aktiviste shprehen se momenti në të cilën u propozua ligji i ri nuk është rastësor. Për shkak të pandemisë, nuk lejohen mjetet nëpërmjet të cilëve qytetarët shprehin mendimet e tyre si demonstratat. Gjithashtu ata mendojnë se një ligj i tillë do të kufizojë mundësitë që fëmijët jetimë të adoptohen nga një familje.
Në maj, Hungaria miratoi legjislacionin që ndalon njohjen ligjore të shtetasve transgjinorë dhe interseksualë në dokumentet personale. /Euronews
