Një 21-vjeçar ka përfunduar në prangat e policisë pasi plagosi me thikë kushëririn e tij, 25 vjeçar.
Ngjarja ka ndodhur mbrëmë në fshatin Tamarë, Malësi e Madhe, ndërsa i arrestuari është shtetasi me iniciale XH.F.
“Arrestimi i këtij shtetasi u bë pasi mbrëmjen e datës 10.11.2020, gjatë një konflikti për motive të dobëta në një banesë të përbashkët në fshatin Pulaj, Njësia Administrative Velipojë, Shkodër, ka plagosur me thikë në fytyrë, kushëririn e tij, shtetasin A. P. 25 vjeç, banues në fshatin Tamarë, Malësi e Madhe. Shtetasi A. P., pasi mori mjekim në spital është larguar në banesë. Në cilësinë e provës materiale u sekuestruan 3 armë të ftohta (thika)”, njoftoi këtë të Mërkurë, policia e Shkodrës.
