Kryeministri Edi Rama ka publikuar pamjet nga spitali Infektiv, i kthyer prek muajsh në Covid1.
Pas akuzave të opozitës së bashkuar se sistemi shëndetësor po kalon në kolaps, Rama ka postuar në rrjet një video lidhur me trajtimin e pacientëve nga koronavirusi.
Në video jepen sekuenca lidhur me protokollin e mjekimit në spital, triazhin e pacientëve para se të shtrohen në Infektiv, ndërsa janë publikuar deklaratat e disa prej pacientëve që vjerësojnë kushtet spitalore dhe trajtimin.
E gjithë video e publikuar më shumë lidhet me propogandën qeveritare mbi sistemin shëndetësor.
“Kemi shtretër të lirë, kapacitetet spitalore janë 120 dhe kanë qenë të ezaruara që në ditët e para të pandemisë, por ka një koordinim mes Covid1, Covid2 dhe Covid3. Kapacitetet nuk janë të ezauruara, pasi pacientët që ndodhen në gjendje të përmirësuar kalojnë në Covid3”, tha Najada Çomo, shefe e Infektivit.
Lidhur me qëndrimin e pacientëve në ambulanca, Çomo shprehet se atje bëhet triazhi, pra vlerësimi i gjendjes së tyre.
“Ambulanca që presin kryesisht transportojnë pacientët nga spitali në banesat e tyre”, tha Çomo.
Publikimi i videos nga Kryeministri ka përkuar me një ngjarje të rëndë që ka ndodhur pikërisht në spitalin Infektiv, ku një prej pacientëve të shtruar, ka tentuar vetëvrasjen duke u hedhur nga kati i dytë i ndërtesës. Nuk dihet se çfarë e ka shtyrë pacientin drejt një vendimin të tillë, por deri më tani 3 pacientë të shtruar te Shefqet Ndroqi janë vetëvrarë duke u hedhur nga lartësia.
