Në ndeshjen ndaj Lazios, Cristiano Ronaldo la fushën e lojës në minutën e 75-të. Anësori portugez mori një goditje të fortë në kavilje nga lojtari kundërshtar, duke detyruar Pirlon ta nxirrte nga loja.
Megjithatë, duket se 35-vjeçari nuk ka shqetësime domethënëse dhe këtë e vërteton pjesëmarrja e tij në seancën e sotme stërvitore të Portugalisë. Përfaqësuesja luzitane luan nesër ndaj Andorrës, ndërsa sot kanë kryer përgatitjet e fundit.
CR7 ka zhvilluar një seancë stërvitore normale dhe pritet të jetë i gatshëm për sfidën. Një lajm i mirë mbi të gjitha për Juventusin, skuadër e cila e ka vuajtur mungesën e yllit të tyre, teksa ky i fundit po shërohej nga coronavirusi.
