Botërori i vitit 2021 i Formula 1, është programuar i njëjtë si në vitet e kaluara duke përjashtuar këtu disa risi. Vitin e ardhshëm do të garohet për herë të parë në Arabinë Saudite, ndërsa Brazili, do të ketë pistë të re, sërish në Rio de Zhaneiro.
Formula 1 pritet të nisë si zakonisht me garën e Australisë në mesin e muajit mars dhe do të përfundojë me garën e Abu Dabit në dhjetor.
Kalendari do të jetë padyshim subjekt ndryshimesh në varësi të situatës me pandeminë dhe masave që secili shtet do të ketë vitin e ardhshëm.
Organizatorët e garave shpresojnë që nëse situata do të përmirësohet, kalendari do të konfirmohet dhe tifozët do të rikthehen, ndryshe nga kushtëzimet e këtij viti, të cilat bënë që të anulohen 10 garat e para të sezonit dhe kalendari të improvizohet me pjesën më të madhe të tij të përqendruar në Evropë.
Kalendari i F1 për sezonin e ardhshëm:
- 21 Mars Australi (Melbourne)
- 28 Mars Bahrein (Sakhir)
- 11 Prill Kinë (Shanghai)
- 25 Prill (Mbetet për tu konfirmuar)
- 9 Maj Spanjë (Barcelona)
- 23 Maj Monaco
- 6 Qershor Azerbajxhan (Baku)
- 13 Qershor Kanada (Montreal)
- 27 Qershor Francë (Le Castellet)
- 4 Korrik Austri (Spielberg)
- 18 Korrik Britani (Silverstone)
- 1 Gusht Hungari (Hungaroring)
- 29 Gusht Belgjikë (Spa)
- 5 Shtator Holandë (Zandvoort)
- 12 Shtator Itali (Monza)
- 26 Shtator Rusi (Sochi)
- 3 Tetor Singapor (Marina Bay)
- 10 Tetor Japoni (Suzuka)
- 24 Tetor USA (Austin)
- 31 Tetor Meksikë (Mexico City)
- 14 Nëntor Brazil (Sao Paulo) *
- 28 Nëntor Arabi Saudite (Jeddah)
- 5 Dhjetor Abu Dhabi (Yas Marina)
