Modelja seksi Kejvina Kthella, që në daljen e saj të parë ka qenë ne qendër të mediave rozë. Shpesh herë Kejvina është përfolur për lidhje të ndryshme, me emra të njohur ose jo të ekranit, ndërkohë që ditën e djeshme qarkulloi lajmi se ajo është në lidhje me djalin e ish-Presidentit Hashim Thaçi.
Sipas “panoramaplus”, Kejvina dhe Endriti janë njohur në Prishtinë nga mikesha e tyre e përbashkët, këngëtarja e njohur, Tayna.
Ky lajm u përhap menjëherë në të gjithë rrjetin dhe Kejvina e pa të arsyeshme të reagojë me anë të një postimi në rrjete sociale por më pas u pendua dhe e fshiu.
“Portale të dashura që ma keni bërë jetën malore, do ju lutesha shumë të ngadalësoni pak me këto lajmet e dashuriçkave. Çdo ditë zgjohem me një dashuri të re falë jush. Të paktën bëni një lajm në muaj ashtu siç vetëm ju dini të bëni. Edhe do ju këshilloja të bëheni më profesionalë me shkrimet që bëni edhe jo sikur bëni thashetheme në kafe. PS: shkruani ndonjëherë ndonjë gjë të bukur se gratis e keni, shpërndani pak pozitivitet. Faleminderit dhe mos harroni, nesër një të dashur të ri eee”, shkroi Kejvina si për t’i sqaruar të gjithë që s’ka gjë të vërtetë në këto aludime.
