Në lidhje direkte me ‘Çim Peka Live’, mjeku Pëllumb Pipero e ka cilësuar si një lajm të madh prodhimin e një vaksine antiCovid, me 90 përqind efikasivitet.
Ndërkohë që ka debatuar edhe me mjekun Erion Dasho, që u shfaq pesimist nëse shqiptarët do ta kenë në dorë këtë vaksinë
‘Lajmin për vaksinën e mora sot. Shqipëria do e mirëpresë vaksinën. Besoj se para fundit të vitit vaksina do të jetë në duart e qytetarëve.
Të gjithë do të kenë mundësi ta kenë edhe pse jo shpejt. Vaksina është 90 përqind efektive.
Asnjëri nga ne nuk mund të parashikojë se çfarë do të bëjë qeveria jonë. Nuk mendoj se Shqipëria do jetë e privuar nga kjo arritje shkencore. Do ishte mirë që debate ynë të ishte informativ’, tha Pipero.
