Vaksina kundër koronavirusit, të cilën Pfizer dhe BioNTech po e zhvillojnë së bashku, do të ketë një “ndikim të madh” në luftën kundër pandemisë, tha Anthony Fauci, specialisti kryesor i sëmundjeve infektive amerikane dhe drejtor i Institutit Kombëtar të Alergjisë dhe Sëmundjeve Infektive.
Efektiviteti i vaksinës, mbi 90%, “është thjesht i jashtëzakonshëm”, shtoi Dr. Fauci në një konferencë me gazetarët ditën e sotme.
Ai vlerësoi se vaksina që po zhvillohet nga Moderna mund të ketë efikasitet të ngjashëm me vaksinën Pfizer sepse bazohet në teknologjinë mARN.
Presidenti i zgjedhur i SHBA-ve Joe Bide, duke folur të hënën është shprehur se “Amerika është ende duke u përballur me një dimër shumë të errët.” Situata mbetet e tillë, sipas Biden, pavarësisht lajmit të Pfizer rreth vaksinës së koronavirusit
“Ne ende jemi duke u përballur me një dimër shumë të errët. Sfida përballë nesh vijon të jetë e madhe dhe po rritet.”
Presidenti i zgjedhur tha se do të duhen”shumë muaj” para se vaksina të jetë “në dispozicion gjerësisht”, duke vënë në dukje se 200,000 amerikanë të tjerë mund të vdesin nga koronavirus në muajt e ardhshëm.
