Trajneri i Tiranës, Emanuel Egbo, foli pas humbjes me rezultat minimal ndaj Teutës në Pogradec, teksa në prononcimin për “Gol pas Goli” u shpreh:
“Pësuam gol me goditje standarte. Loja mori rrjedhë tjetër. Jam i kënaqur si reagoi ekipi mbas golit të pësuar. Kishim përballë një ekip si Teuta, me kontingjent të mirë lojtarësh.
E humbëm ndeshjen me një episod. Pjesa e dytë foli për ne, por nuk arritëm të konkretizonim rastet. Kishim mundësi ta fitonim ndeshjen, por na mungoi qetësia para portës.
Vrapi dhe Toli ishin zgjedhje taktike. Duhet të mësojmë nga gabimet që bëjmë nga goditjet standarte. Nuk është sinjal alarmi. Është rrugë e gjatë. Do bëhet kampionat shumë i fortë. Ekipet që kanë qenë në Kupat e Europës, kanë bërë paraqitje dinjitoze. Do të jetë kampionat i vështirë, këtë vit.
