Partizani la pas humbjen kundër Kastriotit, duke marrë një fitore shumë të vlefshme ndaj Kukësit. Ndeshja e luajtur në “Loro Boriçi” u mbyll 0-2 në favor të kuqve, duke arritur kështu fitoren e parë në kampionat.
Trajneri i skuadrës, Ilir Daja, ka folur menjëherë pas ndeshjes, teksa është shprehur i kënaqur për tre pikët e marra por sipas tij, skuadra ka ende shumë probleme dhe përmirësimi është i domosdoshëm për të vazhduar më tej.
“E nisëm keq në 30 minuta e para dhe me këtë mënyrë loje nuk kemi gjë në vijë. Më pëlqen që ekipi reagon, por ende kemi dobësi në manovër. Sulmi kishte mbështetje dhe e kam thënë që duhet të sakrifikojmë. Më shqetëson organizimi i lojës nga poshtë. Do mundohemi ta rregullojmë këtë problem”.
“Nëse nuk do të fitonim, do isha ai që mendoni ju. Tre pikët na japin qetësi, por nuk kemi bërë gjithçka mirë. Kemi shumë për të përmirësuar. Direkt do analizojmë ndeshjen dhe problemet që kishim”, tha Daja.
