Kina i mbyll dyert Italisë. Për shkak të përhapjes aktuale të Covid-19, hyrja në Kinë për shtetasit që banojnë në Itali e që posedojnë viza kineze dhe leje qëndrimi “për punë, biznes privat dhe bashkim familjar” është pezulluar përkohësisht.
Lajmi u raportua nga ambasada kineze në Romë, duke specifikuar se e njëjta ambasadë dhe konsullatat e përgjithshme të Kinës në Itali “nuk ofrojnë më shërbimet për aplikantët e lartpërmendur.
Ky pezullim nuk vlen për mbajtësit e vizave diplomatike, të shërbimit, të tipit ‘C’ dhe vizave të lëshuara nga 3 nëntori 2020 e tutje.
Shtetasit italianë që iu duhet të shkojnë në Kinë për nevoja ekstreme urgjente mund të aplikojnë për viza në Ambasadën Kineze dhe Konsullatat e Përgjithshme në Itali”.
