Ministria e Shëndetësisë së Maqedonisë së Veriut informoi se në 24 orët e fundit janë regjistruar 978 raste të reja me koronavirus nga 2667 testime të kryera.
Rastet e reja janë evidentuar më së shumti në Shkup me 392 të infektuar të rinj i ndjekur nga Kumanova, Tetova, Ohri dhe Gostivari. Instituti për Shëndet Publik atje ka njoftuar se brenda 24 orëve janë shëruar vetëm 24 pacientë ndërsa betejën kundër koronavirusit e kanë humbur 26 persona.
Numri i përgjithshëm i rasteve të diagnostifikuar me koronavirus në Maqedoninë e Veriut që nga fillimi i pandemisë është 39 760, numri i pacientëve të shëruar është 23 035, ndërsa jetën e kanë humbur 1136 persona. Numri i rasteve aktive është 15 589.
