Vite më parë Joe Biden do të bënte një deklaratë e cila vite më pas, pikërisht sot është një mesazh i fortë për vendin tonë ashtu dhe për Kosovën. Ishte viti 2008, kur Biden në një deklaratë foli për mbrojtjen e rajonit të Ballkanit Perëndimor, kryesisht për maqedoninë, Shqipërinë dhe Kosovën.
“Duhet të qëndrojmë derisa të përfundojmë punën tonë dhe ja çfarë do të thotë kjo: Definicioni i të përfunduarit të punës tonë është që të ketë rritje të dukshme të institucioneve demokratike dhe rajoni, duke përfshirë Kosovën, Maqedoninë dhe Shqipërinë – të jenë në rrugë për anëtarësim në NATO dhe të jenë në rrugë për të qenë pjesë e BE-së”, kishte thënë Biden.
Biden ishte i qartë në fjalën e tij dhe kur foli për sigurinë në këto vende.
“Bota duhet të njohë vuajtjet, dhimbjet dhe humbjet që populli shqiptar në rajon ka përjetuar. Serbët duhet të shohin veten në sy dhe të kuptojnë se çfarë kanë bërë liderët e tyre”, kishte bërë thirrje Biden në një video që mban datën 28.04.2002.
Sipas tij, rëndësia e Gjyqit të Nurnbergut nuk ishte për të dënuar por për të bërë gjermanët që të kuptojnë se çfarë kishte ndodhur.
“Ju do të pyesnit se pse unë kam qenë tillë me serbët, të cilët janë njerëz shumë të mirë. Sepse derisa ata shikojnë në zemrat e tyre, ata nuk mund të shërojnë veten nga të bëmat e tyre. Dhe nëse vazhdojnë me një standard të tillë, cikli do të vazhdojë”.
Biden si konkluzion ka vlerësuar se për Shtetet e Bashkuara të Amerikës nuk mund të ketë siguri botërore, pa siguri në Evropë.
“Dhe siguri në Evropë nuk mund të ketë, derisa Evropa Juglindore nuk bëhet pjesë stabile e botës”.
