Manchester United është kthyer te fitorja në Premier League. “Djajtë e Kuq” kanë fituar 1-3 në fushën e Everton-it falë një dygolëshi të Bruno Fernandes dhe rrjetës së Cavani-t.
Një fitore me përmbysje kjo e skuadrës së Solskjaer teksa vendasit morën avantazhin e përkohshëm në minutën e 19-të me anë të Bernard. Por golat e mesfushorit portugez në minutat 25’, 32’ dhe Cavani-t në minutën e 95-të siguruan triumfin e miqve.
Portugezi ka marrë pjesë në realizimin e 13 golave në vetëm 10 tranasferta të luajtura në Premier League (9 gola, 4 asiste), më shumë se çdo lojtar tjetër në 10 transfertat e para të kompeticionit.
Lajmi tjetër i mirë për Solskjaer ka qenë goli i parë i Cavani-t me fanellën e Djajve
Një rezultat ku që zyrtarizon krizën e skuadrës së Ancelotti-t, që sot ka marrë humbjen e tretë radhazi në kampionat dhe tani mban vendin e pestë në renditje.
United është ngjitur në vendin e 13-të të renditjes.
