Në orën 20:00, të datës 2 nëntor, u dha njoftimi për krisma në lagjen e hebrenjve në Vjenë. Nëntë minuta më pas, terroristi Kujtim Fejzullai u qëllua për vdekje.
Ai vrau katër persona dhe plagosi dhjetëra të tjerë. Terroristi do të kishte bërë kërdinë, nëse nuk do të ishte ndaluar nga ekipi special WEGA.
Tre minuta pasi u dha alarmi, një oficer i ri policie qëlloi mbi terroristin, por u plagos vetë.
Gjashtë minuta më vonë, dy oficerë të forcave speciale arritën të neutralizojnë Fejzullain, që ishte i armatosur me një kallashnikov, një pistoletë dhe një thikë.
Mjaftoi një plumb në shpatull, që depërtoi më mushkëri, për ta lënë të vdekur në vend.
Dy oficerët e forcave speciale kanë marrë dekoratën më të lartë të shtetit austriak.
Ata thanë se nuk do e harrojnë kurrë atë që ndodhi atë natë, kur u trondit jo vetëm Austria, por mbarë bota.
