Mesila Doda, Sekretare e Përgjithshme e PDIU-së, ka reaguar ashpër lidhur me situatën e Covid-19 në vend, ndërsa kërkon hapjen e spitaleve Covid në rrethe. Doda shkruan se duhet të jesh idiot ose i lig që të mos marrësh sot vendimin e rritjes së shtretërve Covid nëpë prefektura.
Ish-deputetja ka bërë një paralajmërim të fortë edhe ndaj Komitetit Teknik të Ekspertëve, për të cilin thotë se nëse nuk marrin vendimet e duhura duhet të procedohet për shpërdorim detyre për mosveprim në shpëtimin e jetës së njerëzve.
“Duhet të jesh idiot ose i lig të mos marrësh sot vendimin e rritjes së shtretërve Covid nepër prefektura… Sot ka nevojë urgjente të kthehen spitalet e rretheve në spitale Covid… Të paktën 4 spitale rrethesh duhet të hapin pavionet Covid.
Gjendja është më e rende se ajo qe thuhet… Po i mbajnë njerëzit me orë nëpër ambulanca sepse nuk kanë shtretër… Komiteti Teknik nëse nuk merr vendimet e duhura duhet të procedohet për shpërdorim detyre për mosveprim në shpëtimin e jetës së njerëzve.
Boll vodhet ju vrafte Zoti. Shpëtoni jetët se ka ardhur aty ku nuk mban më”, shkruan Doda.
