Vijon greva e urisë e naftetareve në Ballsh me kërkesen për marrjen e pagave dhe nisjen e punës në rafinerinë ku kanë vite që punojnë. Sot është dita e 23 e grevës së urisë dhe gratë naftëtare akoma nuk kanë marra asnjë përgjigje nga instancat shtetërore për kërkesat e tyre.
Sipas gazetarit të Syri TV, gjendja shëndetësore e grave është e përkeqësuar.
Njëra nga grevistet deklaroi në një intervistë për Syri TV se prisnin reagimin e kreut të qeverisë dhe se ai duhej të mbante fjalën e dhënë para tre viteve.
”Gjendja ka qenë shumë e keqe mbrëmë. Kam qenë shumë sëmurë nga zemra. Më jepnin kurajo shoqet dhe thoja a do gdhihem të shoh vajzat e mia që kam 23 ditë pa i parë. Për çfarë ika nga familja? Për bukën e gojës. Zonjat e parlamentit duhet të reagojnë. Nëna është e shenjtë se krijon familje, po unë s’jam e zonja ta mbaj. Kërkojmë zgjidhje nga kryeministri një sahat e më parë”, shprehet ajo.
