Kirurgu i QSUT-së Enton Bollano, i cili rezultoi para dy ditësh i infektuar me koronavirus, është dërguar për mjekim të specializuar në Turqi. Duket se gjendja e tij është përkeqësuar gjatë qëndrimit në shtëpi, ku ishte karantinuar për të shmangur përhapjen e sëmundjes.
Mësohet se aktualisht ndodhet në Stamboll, në gjendje të qëndrueshme shëndetësore. Nuk dihet përse kirurgu ka zgjedhur Turqinë për të marrë trajtim para se të shtrohet në spitalet Covid ku shërbejnë kolegët e tij.
Kujtojmë se Ministria e Shëndetësisë ka bërë me dije se në 24 orët e fundit kanë ndërruar jetë 6 persona si pasojë e Covid-19.
Ndërkohë që janë shënuar 489 raste të reja, nga 1954 testime të kryera në të gjithë vendin.
Po ashtu raportohet se në spitalet Covid janë të shtruar aktualisht 350 paciente, ndërkohë që betejën me virusin e kanë fituar 165 qytetarë.
