Lajm i keq për Fiorentinën para ndeshjes me Parmën, që për të besuarit e trajnerit Beppe Iachini vlen më shumë se tri pikë.
Kjo ndeshje që do të zhvillohet në “Tardini” do të jetë vendimtare për stolin e 56-vjeçarit.
Në Parma trajneri do të duhet të heqë dorë nga një nga elementët më të rëndësishëm të skuadrës së tij: Jose Maria Callejon.
Ish-sulmuesi i Real Madridit dhe Napolit doli pozitiv me COVID-19.
“ACF Fiorentina njofton se rezultoi një rast pozitiv në testet parandaluese të zhvilluara për zbulimin e COVID-19. Bëhet fjalë për Jose Maria Callejon, i cili është asimptomatik dhe ndodhet në izolim. E gjithë skuadra e Fiorentinës do të karantinohet dhe do të vazhdojë të ndjekë të gjithë procedurën e parashikuar nga protokollet shëndetësore”.
