Sulmuesi i Milanit, Zlatan Ibrahimovic, është shpallur lojtari më i mirë i muajit tetor në Seria A.
Suedezi në vetëm dy ndeshje nga tre që u zhvilluan muajin e kaluar, arriti të linte gjurmë me paraqitjet e tij.
39-vjeçari shënoi dy gola në fitoren 1-2 në derbi kundër Interit si dhe një dopietë tjetër në barazimin 3-3 me Romën në shtëpi. Ibra ka qenë vendimtar për të besuarit e Piolit, të cilët ende vazhdojnë të qëndrojnë në vendin e parë në renditje.
Gjithashtu veterani është në vendin e parë dhe në listën e golashënuesve, pasi deri më tani ka arritur të shënojë shtatë gola.
