Emrat sekretë të Presidentëve amerikanë, nga “Shqiponja” te “Mogul” |

Emrat në kod të agjencisë federale të Shërbimit Sekret amerikan, që kanë traditën t’u japin nga një emër sekret në kod Presidentëve amerikanë dhe familjarëve të tyre në Shtëpinë e Bardhë.

Mes personazheve që Shërbimi Sekret vë në jetë një program të veçantë mbrojtjeje janë edhe fëmijët e tyre, derisa mbushin moshën 16-vjeçare.

Ata marrin në mbrojtje edhe drejtuesin e Senatit, liderin e opozitës dhe të mazhorancës në Senat, përveç personave që ndikohen nga vetë Presidenti i SHBA-ve.

Shërbimi Sekret i Shteteve të Bashkuara i përdor emrat e koduar për presidentët, Zonjat e Para dhe personat e tjerë të shquar.

Përdorimi i emrave të tillë fillimisht përdorej për qëllime sigurie, por me ardhjen e teknologjisë emrat e koduar tashmë përdoren për të shkurtuar emrin kur flitet me kode, qartësi dhe traditë.

Lexo edhe:

Izraeli: Administrata e ardhshme e Trump po shqyrton sanksione kundër GJNP

SHBA: U njoftuam nga Rusia para sulmit me raketë balistike në Ukrainë

Emra nuk i zgjedh më Shërbimi Sekret, por Agjencia e Komunikimit e Shtëpisë së Bardhë.

Tradicionalisht emrat në kode të familjeve presidenciale duhen ta kenë shkronjën e parë të emrit të njëjtë.

Emri sekret i Trump

Emri sekret që përdoret nga Shërbimet sekrete për presidentin aktual të Shteteve të Bashkuara, Donald Trump, është “Mogul”. Ky emër në kod për Trump vjen nga fusha e tij, pasi në SHBA “mogul” simbolizon një njeri të fuqishëm ose të rëndësishëm, veçanërisht në filma ose në industrinë mediatike.

Ndërsa emri sekret i Melania Trump është “Muse”, burim frymëzimi. Por emrin sekret më të veçantë në familjen presidenciale Trump e ka Ivanka, që ka marrë emrin në kod “Marvel” që vjen nga kinemaja amerikane, ndërsa Jared Kushner e ka emrin në kod “Mekanik”.

Barack Obama

Ish-presidenti Barack Obama e ka pasur emrin në kod “Renegade”, si titulli i një seriali televiziv dhënë në SHBA gjatë viteve ’90. Ky emër u zgjodh nga vetë Obama sipas një liste të propozuar, ku të gjithë emrat fillonin me shkronjën “R”. Bashkëshortja e tij e kishte emrin “Renaissance” (rilindje) vajzat quheeshin “Radiance” (ndriçim) dhe “Rosebud” (gonxhe trëndafili).

Bill Clinton

Emri sekret i ish-presidentit të SHBA Bill Clinton, ishte “Eagle”, pra, shqiponjë, ndërsa ai i gruas së tij, Hillarit, ishte “evergreen”, pra ‘përjetësisht e gjelbër”

Ronald Reagan

Ronald Reagan ka pasur emrin sekret “Rawhide”, emër që vinte një seri filmi vestern mjaft popullore në SHBA. Ronald Reagan ka luajtur në fakt edhe vetë disa filma vestern gjatë karrierës së tij të shkurtër kinematografike.

Jacqueline Kennedy

Në listën e personave me emra sekretë ishte edhe Jacqueline Kennedy, e quajtur “Lace”, shqip “lidhëse”.

John Kennedy

Emri sekret i John Fitzgerald Kennedy ishte era “Lancer”, pra heshtar, një aluzion për Kamelotin, pra nga emri mitik i kështjellës të Kamelotit që ka hyrë në histori si kavalierët e Tavolinës së Rrumbullakët. Ky emër erdhi, sepse në politikën amerikane, administrata e Kennedyt e quante presidentin Kennedy si një legjendë potenciale mitike dhe ëndërrimtare

Jimmy Carter

Jimmy Carter kishte emrin sekret “deacon”, pra dhjak, me shumë mundësi këtë emër e ka marrë pasi ai ishte një baptist i zjarrtë.

Richard Nixon

Emri në kod i Richard Nixon ishte “searchlight”, pra, far ndriçimi. Por ironia e fatit është e madhe, pasi në historinë amerikane ai ka qenë një nga Presidentët më pak të ndriçuar dhe më të errët për veprimet e ndërmarra.

Lista e plotë

Harry S. Truman – General dhe Supervise

Bess Truman – Sunnyside

Dwight Eisenhower – Scorecard dhe Providence

Mamie Eisenhower – Springtime

John F. Kennedy – Lancer

Jacqueline Kennedy – Lace

Lyndon Johnson – Volunteer

Lady Bird Johnson – Victoria

Richard Nixon – Searchlight

Pat Nixon – Starlight

Gerald Ford – Passkey