Kitaristi dhe muzikanti i grupit të famshëm “Grupi X”, Artur Kraja, është ndarë nga jeta.
Lajmin për vdekjen e tij e bëri të ditur këngëtari Dashnor Diko. Ai konfirmoi se basisti u nda nga jeta për shkak të infektimit me Covid-19.
“Sëmundja që prishi ritmin e jetës dhe që po sjell hidhërime nëpër familje. Keqardhje për Turin e mrekullueshëm me të cilin kam kujtime të bukura. Një nga pjesëtarët e “grupit X”, muzikant i talentuar dhe me botë shpirtërore shumë pozitive. Do të mbaj mend për humorin tënd të spikatur dhe për atmosferën që krijoje në grup. Lamtumirë shoku ynë dhe ngushëllime familjes,”- shkroi Dashnor Diko krahas fotos me muzikantin.
Kujtojmë që “Grupi X” është ndër më të njohurit në vitet ’90 dhe bëri rezolucion në muzikën shqiptare. Solisti i grupit ishte këngëtari i famshëm, Aleksandër Gjoka.
