Një sherr mjaft i papritur dhe me përmasa globale, ka ndodhur në televizionin Top Channel, konkretisht në emisionin e zonjës Eni, ku po diskutohej me pathos, për zgjedhjet në SHBA.
Sherri ka ndodhur mes Evi Kokalarit në SHBA, një mbështetëse e flaktë e Donald Trump dhe Delina Ficos.
Evi Kokalari deklaroi se zgjedhjet në SHBA janë manipuluar nga Soros dhe se ai ka bërë të njëjtë gjë edhe në Shqipëri, deklaratë që shkaktoi habi të madhe në studio dhe solli debatin mes zonjave.
Pjesë nga debati:
Evi Kokalari: Është i njëjti njeri që ka manipuluar zgjedhjet në Shqipëri, Soros. I ka manipuluar tani edhe në Amerikë. Kjo mund të bëhet edhe për mandatin e tretë të Edi Ramës, votat me postë të diasporës…
Delina Fico: Duhet të kesh fakte për të thënë se po bëhen mashtrime. Mashtrimi në votime është shumë i rrallë në SHBA.
Evi Kokalari: Ke dy persona që kanë dalë në konferencë me Grenell, thanë kemi shkuar për votim dhe na kanë thënë keni votuar dhe ato nuk kishin votuar. Këtu kur shkon voton nuk të kërkojnë Id. Në Michigan, një ndihmës thonë që kanë lëvizur një kuti me 500 vota…
Delina Fico: Ky qëndrim i Presidentit Trump dhe përkrahësve të tij, është një nga dëmet më të mëdha që presidenti Trump i bën Amerikës, kulturës demokratike në Amerikë. Deri më sot nuk ka patur kurrë një kandidat, i cili ka pretenduar se sistemi i zgjedhjeve është i manipuluar. Është traditë që zgjedhjet pranohen dhe ai që fiton i zgjat dorët atij që humbet.
Evi Kokalari: Në 2012 ka patur vjedhje dhe votues me emrin Mickey Mouse, është po nga Obama…
***
Evi Kokalari: Më fal, janë vjedhur votat në Shqipëri Delina?
Delina Fico: Dëgjo, mos bëj prokuroren televizive. Na thuaj faktet për në SHBA.
Evi Kokalari: Ju dhe Edi Rama, keni shkatërruar popullin shqiptar.
Delina Fico: Qenke keq me shëndet, se je mërzitur që do humbë Trumpi. Është gjynah që komuniteti shqiptaro-amerikan, përfaqësohet nga ju, që nuk keni argumente.
Evi Kokalari: Komuniteti shqiptar nuk përfaqësohet nga unë.
Paskal Milo: Me atë që po ndodh në SHBA dhe deklaratat e presidentit Trump, vënë në dyshim legjitimitetin e zgjedhjeve amerikane, na vë në dyshim për rolin dhe modelin amerikan për zgjedhjet. Do të jetë inkurajimi më i keq, kjo grindje e madhe amerikane. Do të jetë model i keq për zgjedhjet e tona të 25 prillit.
Evi Kokalari: Kjo është puna e George Soros, Delina të hidhet përpjetë po të dojë. Sa lek ke marrë nga George Soros?
Delina Fico: Evi, gjynah që je gjirokastrite, po qenke keq fare. George Soros është një njeri i pasur, aktiv në jetën publike në Amerikë, që financon kauzat progresive dhe kandidatë demokratë. Ka miliarderë të mëdhenj, si vëllezërit Koh, që financojnë partinë republikane. Kjo është pjesë e traditës dhe kulturës politike Amerikane. Soros ka të drejtë të financojë kandidatët që mbështet, siç kanë të drejtë vëllezërit Koh të financojë republikanët.
Evi Kokalari: Vëllezërit Koh nuk financiojnë organizata terroriste si Black Lives Matter dhe Antifa. Soros ka financuar gjithmonë individë që i shërbejnë interesave të tj personale. Nuk mund ti krahasosh, janë shumë të ndryshme.
Delina Fico: Po flasim për zgjedhjet dhe Trump, i cili po i bën një dëm të madh jo vetëm Amerikës, por të gjithë njerëzve, sepse Amerika ka qenë dhe mbetet një model i demokracisë. Një njeri nuk rri i qetë të presë rezultin, por sillet si një fëmijë i përkëdhelur…
