Modelja e njohur, Denise Bidot, ka vendosur që t’i japë fund lidhjes së dashurisë me reperin e famshëm, Lil Wayne.
Arsyeja e ndarjes është mbështetja e reperit për Donald Trump në zgjedhjet presidenciale në Shtetet e Bashkuara të Amerikës.
“Ajo u nda nga Wayne. Nuk ishte vetëm mbështetja ndaj Trump, por kjo ishte arsyeja më e madhe”, tha një burim pranë çiftit për “MTO News”. Më tej i njëjti burim ka shtuar se modelja është shokuar kur ka parë reperin duke mbështetur Trump dhe se është ndjerë e zhgënjyer.
“Ndonjëherë dashuria nuk mjafton”, shkruante modelja në një postim në rrjetet sociale javën që kaloi.
