Dje u zhvillua raundi i parë i Kategorisë Superiore, por brenda kësaj jave kalendarike do të luhet sërish futboll. Të dielën janë programuar të luhen të gjitha ndeshjet. Ora 13:45 do të jetë starti i katër betejave. Bie në sy dueli mes Tiranës dhe Teutës.
Bardheblutë teorikisht presin ekipin e Edi Martinit, por në realitet do ndodhë ndryshe sepse ndeshja do të luhet në “Niko Dovana”. Tirana për momentin është pa stadium dhe të luante në Durrës ishte mundësia e vetme. Në Laç vendasit presin Kastriotin, që shkon me kokën lart pas triumfit të djeshëm ndaj Partizanit.
Në Fier, Apolonia pret Bylisin dhe fierakët duan pikët e para në këtë kthim në Kategorinë Superiore. Tjetër duel i madh është ai mes Kukësit dhe Partizanit, teksa kjo ndeshje do të luhet në “Loro Boriçi” në Skodër. Sfida e vetme në 16:45 është ajo mes Skënderbeut dhe Vllaznisë në stadiumin e Korçës.
