Lille ka rritur një fitore të madhe në “San Siro” kundër Milanit, duke i mundur me rezultatin 0-3.
Njeriu i ndeshjes, ka qenë mesfushori turk, Yusuf Yazici, autori i të tre golave. 23-vjeçari fillimisht shënoi me 11-metërsh në minutën e 22-të të pjesës së parë, ndërsa dy golat e tjerë të tij erdhën në 45 minutat e dyta në minutat 55-së dhe 58-të.
Një ndeshje tepër e dobët për kuqezinjtë të cilët u dominuan në lojë dhe rezultat. Vlen të përmendet fakti që kjo është humbja e parë e skuadrës së Piolit në këtë sezon, teksa skuadra nuk mundej prej 24 ndeshjesh radhazi në të gjitha kompeticionet, duke përfshirë këtu takimet e sezonit aktual dhe atij paraardhës.
Me këtë triumf, Lille merr kryesimin e Grupit H në kuotën e 7-të pikëve. Milani ndjek me 6-të pikë, ndërsa mbyllin klasifikimin Sparta Pragës dhe Celtic përkatësisht me 3 dhe 1 pikë.
