Një faqe e re në internet po lëshon dokumente, imazhe dhe video të brendshme nga grupe radikale të majta dhe njerëz që punojnë brenda qeverisë federale duke planifikuar një grusht shteti nëse Presidenti Trump fiton rizgjedhjen.
Mënyra e vetme për të mposhtur këta njerëz dhe ideologjinë e tyre është që Trump të ketë një fitore të madhe që i jep mandatin për të rivendosur rendin kushtetues të Amerikës.
Faqja quhet Sun Rise dhe dy nga videot që kanë tërhequr më shumë vëmendjen janë: njëra në të cilën punonjësit federalë flasin për mënyrën e rrëzimit të qeverisë Trump nga brenda dhe tjetra në të cilën aktivistët e stilit Antifa bëjnë plane për një luftë në shkallë të plotë, një që përfshin vrasjen e njerëzve.
YouTube tashmë ka hequr videon e dytë.
Nëse keni parë videon, keni dëgjuar anarkistët radikalë që thurrin plane për një grusht shteti në shkallë të plotë, të mbushur me gjakderdhje. Aty një grua shpjegon se pse vlen sipas saj Amendamenti i Dytë.
Për ata që besojnë në republikën demokratike kushtetuese të Amerikës, nëse je duke luftuar kundër një qeverie shtypëse, duhet që të armatosesh. Dhe nëse jemi duke u mbrojtur kundër të majtëve radikalë që bëjnë një grusht shteti, ne mund të kemi nevojë të armatosemi.
Ajo që është pothuajse më shqetësuese është arroganca dhe siguria e punonjësve federalë. Ata besojnë vërtet se burokracia është dega kryesore e qeverisë. Me njohuritë dhe fuqinë e tyre mbi sistemin, ata synojnë të dyfishojnë “rezistencën” që nisën që në janarin e vitit 2017.
Përveç videove, Sunrise Exposed ngarkoi shumë dokumente nga Lëvizja radikale. Një nga dokumentet është një “Udhëzues i Veprimit Zgjedhor”. Në këtë dokument thuhet se ne e dimë që Trump ka mbjellë gënjeshtra për legjitimitetin e votimit përmes postës dhe se media e krahut të djathtë po pikturon të majtën si nxitës të dhunës. Ne e dimë që demokratëve u mungojnë parimet për t’u përballur me GOP për taktikat e tyre të pandershme dhe përçarëse. Ne e dimë që Marrëveshja e Re e Gjelbër nuk mund të kalojë ndërsa Trump është në detyrë dhe pritja e katër viteve do të rezultojë në pasoja katastrofike për komunitetet tona. Por ne gjithashtu e dimë që kjo do të jetë një betejë narrative, e rrënjosur në besueshmëri dhe legjitimitet në sytë e publikut. Ne mund të marrim kontrollin e narrativës për të ekspozuar Trump dhe partinë Republikane si gënjeshtarë, mashtrues dhe kriminelë që janë, dhe të kërkojmë një proces të ndershëm zgjedhor, ku të dëgjohen zërat e të gjithëve.
Ekziston edhe një dokument me titull “Burimet e Aktivizmit për Punëtorët Federalë”.
Nëse Trump humbet dhe refuzon të largohet nga detyra, dokumenti jep të gjitha llojet e informacioneve rreth ngadalësimit, sabotimit të punës në prapaskenë, rrjedhjes së informacioneve konfidenciale, mosbindjes ndaj urdhrave, etj.
Megjithëse aktivistët e paraqesin veten si viktima të një tiranie Trumpiste, ajo që ata po bëjnë është se duke përdorur të drejtat e tyre kushtetuese për të çuar përpara qëllimet e tyre të majta, synojnë të shkatërrojnë Kushtetutën.
Mjafton të dëgjoni deklaratat e Xho Bajden dhe Kamala Herris, apo të rishikoni platformën e partisë Demokratike për t’u njohur me kërkesat e aktivistëve. Personat në video, janë krahu paraushtarak i partisë Demokratike. Nëse demokratët nuk do të mund të përdorin procedurat kushtetuese, për t’i dhënë një fasadë ligjshmërie përmbysjes së parimeve kushtetuese, këto grupe paraushtarake janë të gatshme që të ndërhyjnë.
E vetmja gjë e sigurt që mund të mposhtë këta terroristë të majtë është që një numër i madh i amerikanëve të zgjedhin Trump. Me atë mandat, Trump më në fund mund të thajë kënetën dhe të sjellë sistemin e drejtësisë penale kundër radikalëve të rrezikshëm.
