Është mbyllur raundi i tretë i fazës së grupeve të Ligës së Kampioneve. Mbrëmjen e sotme janë luajtur 8-të takime ku nuk kanë munguar edhe surprizat.
Man.United është mundur në transfertë nga ekipi turk Basaksehir me rezultatin 2-1. Në të njëjtin grup pati edhe një tjetër rezultat surprizë, pikërisht fitorja 2-1 e Leipzig ndaj PSG-së.
Grupi H kryesohet nga Djajtë e Kuq dhe Leipzig me nga 6 pikë, ndërsa ndjekin PSG-ja dhe Basaksehir me 3 pikë secila.
Nga ana tjetër, Barcelona dhe Juventusi kanë bërë detyrën dhe kanë fituar përkatësisht ndaj Dinamo Kiev dhe Ferencvaros. Spanjollët triumfuan me rezultatin e ngushtë 2-1, ndërsa bardhezinjtë 1-4.
Vendi i parë i Grupit G, mbahet nga Barcelona në kuotën 9-të pikëve, ndërsa ndjek Juventusi me 6-pikë.
