Këngëtarja e njohur shqiptare, Bleona Qereti, njihet për mbështetjen e saj për presidentin republikan Donald Trump.
Këngëtarja publikoi në Instagram një foto ku shfaqej duke qëndruar në “Trump International Hotel”, që është në pronësi të Donald Trumpit, në Washington D.C.
Së fundmi, në një lidhje për “abc news”, këngëtarja, e cila është shtetase e Kalifornisë, tha se “nuk ka logjikë që të mos fitojë Trump”.
“E kam ditur që Trump do fitojë. Nuk ka logjikë mos fitojë Trump. Kolegët e mi nuk kanë mundësi që të thonë atë që mendojnë. Unë jam e lirë. Marrëdhënia ime personale me të nuk është arsyeja që po e mbështes. Amerikanët kanë pasur një jetë më të mirë.”
Këngëtarja argumenton se e mbështet kandidatin republikan dhe presidentin aktual për arsye ekonomike. Po ashtu, Bleona tregoi se është përfshirë në fushatën që u bë në Michigan duke qenë se aty ka shumë shqiptarë.
“Shqiptarëve u kam kujtuar që të mos harrojnë nga vinë… Nga një vend socialist. Trump është një nga njerëzit më të mirë që njoh.”
