Një nga terroristët që kryen sulmin në Vjenë, mbrëmjen e djeshme, është një refugjat, 30-vjeçar, raporton gazeta “Kronen Zeitung”. Në këto foto shihet i armatosur me armët që mendohet se ka përdorur gjatë sulmit.
Pak përpara sulmit, ai i shpalli besnikëri liderit të ri të Shtetit Islamik, Abu Ibrahim al-Quraishi.
Sipas gazetës austriake, ai e ka lajmëruar sulmin në Instagram. Llogaria e tij është mbyllur. Terroristi u eliminua nga skuadra e forcave speciale austriake. Dyshohet se një tjetër terrorist gjendet akoma në arrati.
Më herët u raportua se një nga terroristët kishte rrënjë shqiptare.
