Jo vetëm një nga terroristes e Vjenës, por edhe një nga viktimat është shqiptar. Burimet mediatike thotë se një nga viktimat është nga Struga.
Bëhet fjalë për Nexhip Vrenezi 21 vjeçar nga Veleshta e Strugës mbrëmë u vra në Vjenë. Sipas familjarëve në momentin që ai kishte dal në një bar kafene, duke pi kafe me shokët.
Për sulmin terrorist në Vjenë, sipas raportimit të mediave vendase, janë 12 të dyshuar. Të dyshuarit raportohet të jenë mes 16 dhe 25 vjeç dhe të gjithë kanë lindur në Vjenë, Kosovë, Bangladesh, Shën Pölten, Çeçeni dhe Mödling.
Prej tyre, 10 jetojnë në Vjenë dhe 2 në Shën Pölten.
Sipas informacioneve të brendshme, shkruajnë mediat vendase, të rinjtë e lindur në Austri kanë të gjithë origjinë të huaj, kryesisht çeçenë dhe evropianojuglindor.
Ndërkohë, terroristi i cili u ekzekutua është identifikuar si Kujtim Fejzullahi, i cili kishte nënshtetësi austriake dhe maqedonase.
Mediat austriake deklarojnë se Fejzullahi ka qenë futbollist në qytetin e Mödling në adoleshencë, por aty ka rënë në kontakt me ekstremistë islamikë apo simpatizantë të ISIS që e kanë futur në rrugën e radikalizimit.
