Ndryshime të shumta në rradhët e drejtuesve të Policisë së Shtetit. Burime nga kjo e fundit konfirmojnë se të paktën 3 drejtorë policie në qarqe kanë lëvizur nga pozicionet e tyre.
Kështu raportohet se drejtori i Drejtorisë Vendore të Policisë Elbasan, Arjan Muça, transferohet në Drejtorinë e Përgjithshme të Policisë së Shtetit dhe në vend të tij emërohet zëvendësdrejtori i kësaj drejtorie, Alket Shatro.
Drejtori i Drejtorisë Vendore të Kukësit, Erigert Mitri, transferohet në Drejtorinë e Përgjithshme të Policisë së Shtetit dhe në vend të tij emërohet, Alban Çela.
Gjithashtu, drejtori i Drejtorisë Vendore të Policisë Dibër, Skënder Kalemi, transferohet në Drejtorinë e Përgjithshme të Policisë së Shtetit dhe në vend të tij emërohet zëvendësdrejtori i Vlorës, Artur Selimi.
