Skuadra e drejtuar nga Nikolin Leka eliminoi pas goditjeve të penalltive (3-2) ALG Spor të Turqisë, pasi 120 minutat lojë u mbyllën na barazim 3-3. Kujtojmë që vajzat e Vllasnisë i luajtën dy kohët shtesë në inferioritet numerik, pasi Curraj u ndëshkua me kartonin e dytë të verdhë në minutën e pestë shtesë.
Pjesa e parë u mbyll me avantazhin minimal të Vllaznisë, falë golit të Gjinit që në minutën e shtatë. Seyfatdinova ktheu ekuilibrat në rezultat në minutën e 53-të, por Gjini, sërish shënoi për Vllazninë, në minutën e 70-të për rezultatin 2-1, por vetëm tri minuta më vonë barazoi sërish ALG Spor me Arhan.
Vajzat kuqeblu edhe pse në inferioitet numerik arritën ta çonin ndeshjen te penalltitë. Në minutën e 118 Civelek realizoi për ALG Spor, kur kishte mbetur shumë pak kohë nga vërshëllima e fundit e gjyqtares. Mrekullia erdhi nga këmbët e Bajraktarit, që pasi kontrolli bukur topin me gjoks në zonë, përballë portieres kundërshtare.
Ruletë e penalltive nisi keq për Vllazninë, me Megi Doçin që gaboi shënjestrën, por seritë në vazhdim u treguan të sakta Franja, Bajraktari dhe Gjini, ndërsa në radhët e skuadrës turke gabuan Arhan, Janac dhe Esen Ecem.
Shpërthejnë në festë vajzat kuqeblu, që siguruan një kualifikim shumë të vuajtur, por të merituar, pasi dhanë gjithçka në fushën e blertë. /Supersport
