Multi-milioneri italian Gianluca Vacchi dhe partnerja e tij, gazetarja, Sharon Fonseca, janë bërë prindër për herë të parë.
Pas daljes nga ambientet e spitalit dhe ardhjes së bebushes në shtëpi, ato kanë publikuar në Instagram videon e surprizës së mirëseardhjes, që Gianluca kishte përgatitur në vilën ku jetojnë. Në vetëm pak kohë, kjo video numëroi miliona shikime dhe pëlqime.
Tullumbacë, arusha dhe elefantë rozë shihen të vendosur në të gjithë oborrin e vilës së tyre. Punëtorët dhe shërbyesit e çiftit duartrokasin të emocionuar për ardhjen e pjesëtares së re të familjes, Blu Jerusalema.
“Mirë se erdhe princeshë.. Të duam shumë ”– shkruan Gianluca në postimin e tij.
