Aktorja e njohur turke, Irmak Unal ka njoftuar nëpërmjet një postimi në Instagram, se ka rezultuar pozitive me Covid-19.
Në një video ajo shprehet se është në izolim dhe tregon se gjatë gjithë verës është kujdesur të zbatoj masat anti-covid, por fatkeqësisht ajo është rikthyer në Stamboll dhe e ka marrë Covidin nga një mikeshë.
“Jam duke luftuar me koronavirusin prej katër ditësh. Them po luftoj sepse është një luftë e vërtetë. Faleminderit Zotit sot ndihem pak më mirë. E kam kaluar të gjithë verën duke u treguar e kujdesshme. Jetova në një vend komplet të izoluar në Bodrum.
U përpoqa ta mbaja sistemin tim imunitar të fortë. Kam qenë shumë e kujdesshme. Por fatkeqësisht, së fundmi vendosa të rikthehesha në Stamboll dhe u infektova me koronavirusin nga një mikeshë. Njerëzit që fluturojnë nga një vend në tjetrin duhet të kalojnë 14 ditë në karantinë, kurse unë e bëra këtë gabim.”
