Pandemia e COVID-19 ka prekur në mënyrë disproporcionale njerëzit e moshuar në të gjithë botën, duke shkaktuar një gjendje të keqe në shëndetin e tyre fizik, mendor dhe jetesën e tyre.
Sipas ekspertëve të shëndetësisë efektet tinëzare të moshës, i bëjnë këto sfida edhe më të vështira për t’u kaluar. Stereotipet, paragjykimet dhe diskriminimi i bazuar në moshë rrisin pabarazitë, të cilat janë ekzistente për të parandaluar masat efektive për mbrojtjen nga Covid-19.
Supozimi se të gjithë njerëzit e moshuar janë të dobët nuk është vetëm i pasaktë, por edhe i dëmshëm. Që bota të shërohet plotësisht nga efektet e mëdha të pandemisë, së pari duhet të adresojmë paragjykimet që nënvizojnë dëmtimin e COVID-19 ndaj të rriturve të moshuar.
I ftuar në ‘Ëake Up’, sociologu Gëzim Tushi u shpreh se të moshuarit nuk duhet të paragjykohen dhe se Covid-19 nuk është një virus që prek vetëm moshën e tretë.
“Është krijuar një ide e gabuar se Covid-19 godet kryesisht dhe vetëm të moshuarit. Padiskutim që të moshuarit janë më të rriskuar, për shkak të moshës dhe problemeve fizike që kanë. Është periudhë e pafavorshme e jetës, por kjo nuk do të thotë se është periudhë fatale e jetës.
Por, nuk janë të gjithë të barabartë, sepse ka të moshuar që janë të shëndetshëm, vitalë, që vazhdojnë jetën normalisht. Ka dhe të tjerë që janë të prekshëm, vulnerabël,
Është e gabuar të thuhet se e gjithë kjo gjeneratë është e rriskuar. Të them të vërtetën se qëkur është shfaqur Covidi ka një tendencë kundër moshës, një lloj narcizmi tek të rinjtë.
Mosha nuk është mëkat, moshimi nuk është mëkat. Por askush nuk ka të drejtë të thotë që në periudhën e fundit të jetës duhet ta ulim kujdes ndaj tyre, kjo është e gabuar”, sqaroi Tushi.
