Sekretari i Shtetit, Mike Pompeo, në ditën ndërkombëtare për t’i dhënë fund pandëshkueshmërisë së Krimeve kundër Gazetarëve, shprehet se Shtetet e Bashkuara u bëjnë thirrje qeverive që të hetojnë dhe t’u japin zgjidhje abuzimeve dhe krimeve kundër tyre.
“Gazetarët kanë një rol kritik në shoqëri, por shumë shpesh kërcënohen, sulmohen apo vriten – krime që shpesh nuk ndëshkohen.
Në Ditën Ndërkombëtare për t’i Dhënë Fund Pandëshkueshmërisë së Krimeve kundër Gazetarëve, ne u bëjmë thirrje qeverive të hetojnë dhe të dëmshpërblejnë këto krime”!, shprehet Pompeo.
Një shtyp i lirë është thelbësor për një qytetar të informuar. Një shtyp i fuqishëm mund, për shembull, të ekspozojë korrupsionin, të ndriçojë një shkelje të abuzimeve të të drejtave të njeriut dhe t’i ofrojë publikut informacion thelbësor gjatë krizave.
Në shumë vende, gazetarët që përmbushin këtë rol të domosdoshëm rrezikojnë sulmet nga regjimet autoritare dhe organizatat kriminale që kërkojnë të godasin lirinë e shtypit dhe lirinë e shprehjes.
Më shumë se 1,500 gazetarë janë vrarë në të gjithë botën që nga fundi i shekullit, dhe në më shumë se 85 përqind të rasteve, vrasësit qëndrojnë pa u ndëshkuar.
Gazetarët në të gjithë botën gjithashtu përballen me ngacmime, kërcënime, ndalime arbitrare dhe ndjekje penale të motivuara politikisht.
Gjatë pandemisë COVID-19, qeveritë autoritare në Kinë, Venezuelë, Iran dhe gjetkë e kanë përdorur COVID-19 si një justifikim për të kërcënuar, ndaluar dhe sulmuar gazetarë.
Gazetaret femra përballen me rreziqe specifike, shpifje me reputacionin, kërcënime dhe dhuna të tjera me bazë gjinore.
Qeveritë mundësojnë mosndëshkimin duke dështuar në korrigjimin e këtyre abuzimeve dhe krimeve kundër gazetarëve, dhe duke kryer abuzime gjithashtu. Organizatat joqeveritare e rendisin Kinën, Korenë e Veriut dhe Turkmenistanin ndër vendet më të këqija në botë për lirinë e shtypit, ndërsa Siria dhe Meksika janë ndër më të rrezikshmet.
Sipas Komitetit për Mbrojtjen e Gazetarëve, Kina, Turqia, Arabia Saudite dhe Egjipti burgosin më shumë gazetarë për raportimin e tyre sesa vendet e tjera.
Në këtë ditë ndërkombëtare për t’i dhënë fund mosndëshkimit për krimet kundër gazetarëve, Shtetet e Bashkuara u bëjnë thirrje qeverive për të ndërmarrë hetime të pavarura dhe transparente për kërcënime, sulme dhe vrasje kur ato ndodhin; reforma e praktikave policore që mundësojnë keqtrajtim të gazetarëve; dhe të shfuqizojë ligjet dhe praktikat që kufizojnë lirinë e tyre të shprehjes.
