Justin Bieber ka realizuar së fundmi një dokumentar në YouTube Originals, “Justin Bieber: Next Chapter” për jetën e tij duke rrëfyer edhe për problemet e shëndetit mendor e cila kjo gjë e ka çuar këngëtarin drejt vetëvrasjes.
“Ka pasur momente kur kam pasur vërtet mendime vetëvrasjeje. Mendoja nëse do të shuhet ndonjëherë kjo dhimbje? Ishte kaq e qëndrueshme, dhimbja ishte aq e qëndrueshme.”- është shprehur ai.
Pas publikimit të dokumentarit, Justin ka shkruar në llogarinë e tij, Twitter i cili rrëfen se ndihet mirë dhe ju bën thirrje të gjithëve se nëse ndihen të vetmuar ata vetëm duhet të flasin për ta shmangur këtë dhimbje.
“Dua t’i inkurarjoj njerëzit: Hej, nëse ndiheni të vetmuar, flisni. Thuajeni me zë të lartë. Do të liroheni. Unë duhet ta kisha shmangur këtë dhimbje.”- është shprehur këngëtari.
Në janar, përmes serive “Seasons”, këngëtari rrëfeu një tjetër pjesë të jetës së tij, i cili ishte përballur me sëmundjen Lyme, abuzimin me drogën dhe shëndetin mendor, për faktin se ai u vendos në qendër të vëmendjes në një moshë të vogël.
Dokumentari “Justin Bieber: Next Chapter” ka për qëllim t’u ofrojë shikuesve dhe fansave të këngëtarit një vështrim ekskluziv për tetë muajt e fundit të jetës së Bieber në një kohë të pashembullt pasigurie shëndetësore.
