Një tjetër garë, një tjetër fitore për Lewis Hamilton. Piloti britanik bëri sot një tjetër hap drejt titullit të shtatë kampion bote në Formulën 1, duke fituar garën e Çmimit të Madh të Emilia Romagnas në Imola.
Piloti i Mercedes la pas shokun e skuadrës Valtteri Bottas dhe pilotin e Renault Daniel Ricciardo.
Mbyllja me dy makina në pod bëri që skuadra gjermane të fitojë për të shtatin vit radhazi kampionatin për konstruktorë, çka është rekord për historinë e Formulës 1.
Nga ana tjetër pilotët e Ferrarit u renditën në vendin e 4-t dhe 10-të përkatësisht, Charles Leclerc dhe Sebastian Vetel.
Max Verstappen nuk arriti ta përfundojë garën pas një problemi në një nga gomat e tij.
