Arsenal fiton ndeshjen kryesore të javës së 7 në Premier League.
“Topçinjtë” mposhtën në Old Trafford Manchester United, 0-1, falë një goli të Pierre Emerick Aubameyang, në minutën e 69 të takimit.
Me këtë humbje, United zhytet akoma më shumë në krizë teksa në 7 javë kampionat numëron vetëm 7 pikë.
Nga ana tjetër, Arsenal, me këtë tre pikësh ngjitet në vendin e 8 në kuotën e 12 pikëve.
Një humbje që lëkund shumë pozitat e Ole Gunnar Solskjær në drejtimin e Man.United, teksa drejtuesit e “Djajve të Kuq” mund të vendosin edhe për shkarkimin e tij.
