Nuk ka ende një marrëveshje mes NBA-së dhe shoqatës së lojtarëve në lidhje me datën e fillimit të sezonit të ri sportive 2020-2021.
NBA synon të nisë ndeshjet më 22 dhjetor, por vështirë se mund të luhet ndonjë ndeshje para Krishtlindjeve, pasi lojtarët kërkojnë që ndeshjet të nisin më 18 janar, ditën e Martin Luther King.
Gjithsesi, në mes është shuma prej 500 milionë dollarësh që NBA humbet nga kjo shtyrje (sponsorë, të drejtat televizive etj) dhe këtë gjë e di mjaft mirë komisioneri Adam Silver.
Për këtë arsye Liga po punon për një kalendar të reduktuar prej 72 ndeshjesh, që do të thotë një reduktim me 25% të ndeshjeve jashtë fushe të skuadrave.
