Ish-deputeti i Partisë Demokratike, Ervin Salianji ka risjellë në vëmendje deklaratën e Sandër Lleshajt që bëri nga foltorja e Kuvendit në lidhje me policët.
Përmes një postimi në “FB” Salianji thekson se forcat e Rendit kanë një ndër rolet më të rëndësishme në shoqëri, ndërsa shton se përçmimi ndaj policëve është i neveritshëm.
“Forcat e Rendit kanë një ndër rolet më të rëndësishme në shoqëri. Por ti nuk mund ta kuptosh, sepse që prej ditës që t’u dhurua posti që mban, i ke parë kolegët e tu si vegla për t’i përdorur në shkelje të ligjit. Nuk ke faj as ti, ke mësuar prej shefit tënd, arroganca e të cilit ju ka infektuar të gjithëve. Përçmimi ndaj policëve është i neveritshëm! Mos i prano më palaçot në pushtet! Denonco, shpërndaje këtë video”, shkruan Salianji në FB, teksa shpërndan videon e deklaratës së ministrit Lleshaj, i cili ofendon efektivët e policisë.
